قابل جداً للكسر

٧ شنط كبيرة وستة هاند باج و ١٠ كراتين..
لما اتجوزت كنت جاية ب ثلاثة شنط سفر ، كبيرة ووسط والمحندقة، الأخيرة فضلت رايحة جاية معايا في كل حتة سنة كاملة .. اروح الشغل بيها عشان فيها الهدوم اللي هتتلبس في خروجة النهاردة وارجع بيها مهدودة آخر اليوم.. لحد ما بقي اسمي في العيلة ابن بطوطة!
لما بطلت شغل برة البيت .. الشنطة صغرت اكتر وبقت شنطة عالضهر.. لابتوب والحاجات الضرورية ..
 شنط كبيرة وستة هاند باج و ١٠ كراتين٧ ..
كان جاي بشنطة هاند باج فيها كل اللي شاف أنه هيحتاجله في حياته الجديدة.. وساب وراه حاجات أكتر انا معرفش هي إيه .. مش عارفة ازاي في ااقل من ٣ سنين اتجمع عندنا كم التفاصيل ده..
 ٣براريد للشاي الأخضر وبراد أمي الإنجليزي للشاي الأحمر لما اشتريتهم وقلبت الرابع كنت بفكر في اللحظات الحلوة اللي هنخلقها بوجودالشاي وسطينا.. انا واختي بنسمي وقت الشاي لحظات حلوة..لحظات شرب الشاي هي اللحظات اللي بنستقطعها بارادتنا من أشياء تبدو أهم عشان نقعد مع بعض ونرغي.. نرغي في كل حاجة نعرفها مسبقا حتى عن أرواحنا.. هي ده لحظات طلب القرب وتقليل المسافات هي ده ‘اللحظات الحلوة’
طوق الفرح وقزازة عيد ميلاده الثلاثين وفردة جزمة فرنيه سودا بفينكة من قدام لطفلة عندها شهور كانت أنا..
الصور كلها بتضحك ..
أصعب حاجة تتلف وتتشال كانت التفاصيل .. كتير وحساسة جدا .. التفاصيل اللي مابنشبهش فيها لأي حد تاني على الأرض .. واللي بتتغير بتغير الأشخاص.. التفاصيل هي اللي بتوجعنا قوي لما بنبعد..
شهور بسال نفسي سؤال واحد بس .. انا ليه بعمل كدة؟ ليه اروح الدور الثالث برة المدينة وأنا عمرى ما سكنت في دور أعلى من الأول .. انا اصلا ما بحبش الأدوار البعيدة عن الأرض .. ومارجعش الدور الأول في مصر الجديدة؟ ايه اللي بيخليني أكمل؟ حتى بعد أصعب الضربات.. بلاقي نفسي مكملة وبشراسة؟ بحاول أثبت ايه لنفسي أو العالم؟
كم التفاصيل اللي عنية كانت بتقع عليه وأنا بسال أسئلتي اللامنتهية قطع حبل الفكر في مخي ..
جبت أربع كراتين مُتان ..لميت فيهم التفاصيل بايدي ولفيتها كويس .. وكتبت عالكاراتين “قابل جدا للكسر” “بالرااااااحة ” “ماترزعهاش”
Advertisements

2 Comments

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s